🏘 Xalq deputatlari Boysun tuman Kengashiga 14-“Shirinobod” saylov okrugidan saylangan deputat Safarov Behzod Abdusalomovich tomonidan Shirinobod mahallasida amalga oshirilgan asfaltlash ishlari o‘rganildi.

📄 Mazkur ishlar Xalq deputatlari Boysun tumani Kengashining 2026-yil 3-martdagi VII-20-18-8-110-K/26-sonli qarori bilan tasdiqlangan manzilli dastur asosida amalga oshirilgan. Qarorning 2-ilovasiga ko‘ra, Shirinobod MFY uchun jami 3 mlrd so‘mlik manzilli dastur belgilangan.

🛣 Dastur doirasida mahallada tadbirkorlar uchun qulay shart-sharoit yaratish yo‘nalishida 3,4 km masofada asfalt yotqizish ishlari belgilangan bo‘lib, loyiha qiymati 1 mlrd 650 mln so‘mni tashkil etadi. Shundan 650 mln so‘m respublika budjeti, 1 mlrd so‘m mahalliy budjet hisobidan moliyalashtirilishi ko‘rsatilgan.

👷‍♂️ O‘rganish jarayonida amalga oshirilgan asfaltlash ishlarining holati, yo‘l qoplamasining sifati hamda belgilangan loyiha talablariga muvofiqligiga e’tibor qaratildi.

🤝 Shuningdek, mahalla aholisi uchun yaratilgan qulayliklar, yo‘l infratuzilmasining yaxshilanishi va amalga oshirilgan ishlardan samarali foydalanish masalalari ko‘zdan kechirildi.

🌿 Maqsad — Shirinobod mahallasida yo‘l infratuzilmasini yaxshilash, aholi va tadbirkorlar uchun qulay harakatlanish sharoitlarini yaratish hamda manzilli dasturda belgilangan vazifalar ijrosini ta’minlash.

Slide 1 of 5