TOSHQO‘RG‘ON MAHALLASIDA ZAMONAVIY PIYODALAR YO‘LAGI BARPO ETILMOQDA

Xalq deputatlari tuman Kengashi deputati U.Esonaliyev Toshqo‘rg‘on mahallasi Do‘stlik ko‘chasida Investitsiya dasturi doirasida amalga oshirilayotgan bunyodkorlik ishlari bilan yaqindan tanishdi.

Mazkur hududda 2 milliard 100 million so‘m mablag’ evaziga zamonaviy va barcha qulayliklarga ega piyodalar yo‘lagini barpo etish ishlari olib borilmoqda.

Deputat qurilish jarayonlarini joyiga chiqib ko‘zdan kechirar ekan, amalga oshirilayotgan ishlarning sifati, belgilangan talablar asosida olib borilishi hamda obodonlashtirish ishlariga alohida e’tibor qaratilishi yuzasidan mas’ullar bilan fikr almashdi.

Yangi piyodalar yo‘lagi mahalla aholisi, ayniqsa, piyodalar uchun xavfsiz va qulay harakatlanish imkoniyatlarini yaratib, hudud infratuzilmasini yanada yaxshilashga xizmat qiladi.