Xalıq deputatları Bozataw rayonlıq Keńesi sekretariatınıń baslıǵı A.Ibragimov hám 6-sanlı "Anjan" saylaw okruginen saylanǵan deputat Sh.Berdaxov Porıltaw elatındaǵı 12-sanlı ulıwma orta bilim beriw mektebinde J.Raxatova tárepinen shólkemlestirilgen "Ko‘mak Akademy" oqıw orayınıń jumısı menen tanıstı.
Úyreniw dawamında oqıw orayında jaslarǵa shet tillerin, ásirese, inglis tilin úyreniw ushın jaratılǵan sharayat, sabaqlardı zamanagóy pedagogikalıq metodlar tiykarında shólkemlestiriw jolları, oqıwshılardıń til úyreniwge bolǵan qızıǵıwshılıǵın arttırıwǵa baǵdarlanǵan usıllar hám materiallıq-texnikalıq imkaniyatlar úyrenildi.
Búgingi kúnde shet tillerin puqta iyelew jaslardıń bilim dárejesin arttırıw menen birge, olardıń keleshektegi kásiplik baǵdarın belgilewi, zamanagóy bilim hám málimleme resurslarınan paydalanıwı, xalıqaralıq bilim hám tájiriybe almasıwına keńnen jol ashatuǵın áhmiyetli faktor bolıp tabıladı.
Sonday-aq, oqıwshılardıń bos waqtın mazmunlı shólkemlestiriw, olardı qosımsha bilim alıwǵa baǵdarlaw, til úyreniwge bolǵan motivaciyasın arttırıw hám bilimlendiriw xızmetleriniń sapasın jáne de jetilistiriw máselelerine ayrıqsha itibar berildi.
Jaslarǵa sapalı bilim beriw hám olardıń zamanagóy bilim hám kónlikpelerin rawajlandırıw - keleshek ushın bekkem tiykar jaratıwdıń áhmietli baǵdarlarınan biri.