DAVLAT TILI TO‘G‘RISIDAGI QONUN IJROSI O‘RGANILDI

📌 Xalq deputatlari Pastdarg‘om tumani Kengashi deputati Kilichov Ma’ruf Ma’murjonovich tuman hokimi maslahatchisi Norimova O. bilan hamkorlikda tumanda “Davlat tili haqida”gi Qonun talablarining ijro etilishi holatini o‘rgandi.

🔎 O‘rganish davomida davlat tilining jamiyat hayotidagi nufuzi va mavqeini yanada mustahkamlash, davlat tashkilotlari hamda hududlarda ish yuritish jarayonlarida o‘zbek tilidan foydalanish, tashqi yozuvlar, peshlavhalar va axborot materiallarining davlat tili talablariga muvofiqligi kabi masalalarga e’tibor qaratildi.

📚 Shuningdek, davlat tili to‘g‘risidagi qonunchilik talablariga rioya etish, mavjud kamchiliklarni bartaraf etish hamda davlat tilining amaliyotdagi qo‘llanilishini yanada takomillashtirish masalalari yuzasidan fikr almashildi.

🤝 Mazkur yo‘nalishdagi ishlarni tizimli davom ettirish va aniqlangan holatlar bo‘yicha tegishli choralarni ko‘rish masalalariga alohida e’tibor qaratildi.

Xalq deputatlari Pastdarg‘om tumani Kengashi deputati
Kilichov Ma’ruf Ma’murjonovich