📌 Xalq deputatlari Oltinsoy tumani Kengashining 24-“Chinor” saylov okrugidan saylangan deputat Mavlyanov Otabek Rustamovichning saylov okrugi hududidagi “Chinor” mahallasida aholining ijtimoiy ehtiyojmand toifalariga ko‘rsatilayotgan ijtimoiy xizmatlar sifati, kam ta’minlangan oilalarga ijtimoiy nafaqalar va moddiy yordam tayinlash hamda to‘lash holatini o‘rganish yuzasidan navbatdagi deputatlik nazorati tadbiri o‘tkazildi.

📌 O‘rganishning maqsad va vazifalari

O‘rganishdan ko‘zlangan asosiy maqsad — “Chinor” mahalla fuqarolar yig‘inida ijtimoiy ehtiyojmand fuqarolar va oilalarga ko‘rsatilayotgan ijtimoiy xizmatlarning sifatini, shuningdek, kam ta’minlangan oilalarga ijtimoiy nafaqalar va moddiy yordam tayinlash hamda to‘lash jarayonlarining belgilangan tartibda amalga oshirilishini o‘rganishdan iborat.

🔍 O‘rganish davomida ijtimoiy xodim tomonidan aholining ijtimoiy ehtiyojmand toifalari bilan ishlash, ularning murojaatlarini o‘rganish, tegishli ijtimoiy xizmatlarni tashkil etish hamda ijtimoiy nafaqa va moddiy yordam olishga ehtiyojmand oilalarni aniqlash bo‘yicha amalga oshirilayotgan ishlar ko‘zdan kechirildi.

🏛 O‘rganish tadbirida ishtirok etganlar

O‘rganish tadbirida Xalq deputatlari Surxondaryo viloyati Kengashi deputati A.Oripov, Xalq deputatlari Oltinsoy tumani Kengashi raisi, 22-“Mingchinor” saylov okrugidan saylangan deputat Turdiyev Akrom Abdimuratovich, Kengash kotibiyati mudiri M.Xujanov, tuman Kengashi deputati Yu.Hakimov hamda Kengash kotibiyati bosh mutaxassislari A.Esanov va I.Roziqovlar ishtirok etdilar.

📋 O‘rganish yakunlari bo‘yicha aniqlangan masalalar tahlil qilinib, aholining ijtimoiy ehtiyojmand qatlamlariga ko‘rsatilayotgan xizmatlar sifatini yanada oshirish, ijtimoiy nafaqalar va moddiy yordam tayinlash jarayonlarining shaffofligi hamda manzilliligini ta’minlash yuzasidan tegishli tavsiya va vazifalar belgilandi.

🤝 Aholining ijtimoiy himoyaga muhtoj qatlamlarini qo‘llab-quvvatlash, ularning qonuniy huquq va manfaatlarini ta’minlash hamda ijtimoiy xizmatlardan foydalanish imkoniyatlarini kengaytirish deputatlik nazoratining muhim yo‘nalishlaridan biridir.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz