Yangi O‘zbekistonning zamonaviy va munosib qiyofasini yaratishda ta’lim muassasalarida qulay shart-sharoitlarni ta’minlash, o‘quvchilar uchun xavfsiz va sifatli ta’lim muhitini yaratish muhim ahamiyat kasb etadi. Ayniqsa, kuz-qish mavsumini puxta tayyorgarlik bilan qarshi olish ta’lim jarayonining uzluksizligini ta’minlashda muhim omildir.

Shu maqsadda Xalq deputatlari Termiz shahar Kengashi raisi, deputat D.Normuradova hamda deputat, eskpert guruhi a'zosi S.Xodjayeva ishtirokida shahardagi 2-sonli umumta’lim maktabida nazorat-tahlil tadbiri o‘tkazildi.

Tashrif davomida maktabning kuz-qish mavsumiga tayyorgarligi, isitish tizimlarining holati, mavjud sharoitlar hamda mavsumni betalafot o‘tkazish uchun ko‘rilayotgan choralar ko‘zdan kechirildi.

Mazkur o‘rganish Oliy Majlis Senati tomonidan mahalliy Kengash deputatlari faoliyati uchun belgilangan “Mahalliy Kengash deputati faoliyatining eng muhim 24 ta yo‘nalishi” mezonlari asosida tashkil etildi.

Xususan, 11-band — ijtimoiy soha obyektlarining kuz-qish mavsumiga tayyorgarligi va isitish tizimi holatini o‘rganish yo‘nalishiga alohida e’tibor qaratildi.

O‘rganish davomida mavjud holat tahlil qilinib, aniqlangan masalalarni bartaraf etish hamda ta’lim muassasasida kuz-qish mavsumida o‘quvchilar va pedagoglar uchun qulay, xavfsiz va munosib sharoitlarni ta’minlash yuzasidan tegishli vazifalar belgilandi.

Deputatlik nazorati — ta’lim muassasalarida munosib sharoitlarni ta’minlashning muhim omili!