Nurafshon MFY Bolg‘oli qishlog‘ida elektr ta’minoti masalasi deputat nazoratiga olindi

O‘rganishlar davomida qishloq hududida elektr ta’minoti bilan bog‘liq qator muammolar mavjudligi aniqlandi. Jumladan, elektr energiyasi tarmog‘i uchun mo‘ljallangan temir-beton ustunlar 2017-yilda o‘rnatilgan bo‘lishiga qaramasdan, ulardan amalda to‘liq foydalanilmayotgani ma’lum bo‘ldi. Natijada xonadonlarning elektr ta’minoti aholi tomonidan o‘rnatilgan yog‘och ustunlar orqali amalga oshirilmoqda. Aniqlangan muammolar yuzasidan xalq deputatlari G‘allaorol tuman Kengashi deputati F.Xolmurodov tomonidan “Hududiy elektr tarmoqlari” AJ G‘allaorol tuman bo‘limiga deputat so‘rovi yuborildi.