Xalq deputatlari Boyovut tumani Kengashi deputati Eldor Otaboyev tomonidan Boyovut tumani 5-son Bolalar musiqa va san’at maktabi faoliyati hamda muassasaning moddiy-texnik va bino-inshootlarining holati o‘rganildi.

O‘rganish davomida maktab binosi kapital ta’mirga muhtoj ekani aniqlandi. Jumladan, binoning isitish tizimi talab darajasida, yani umuman ishlamasligi, tom qismidan suv o‘tishi, bino konstruksiyalarining ayrim qismlarida cho‘kish va yemirilish holatlari mavjudligi, shuningdek, ta’mirlashni talab etadigan boshqa muammolar borligi qayd etildi.

Mazkur holatlar maktabda ta’lim olayotgan o‘quvchilar uchun munosib sharoit yaratish, ularning xavfsizligi va ta’lim jarayonining sifatli tashkil etilishiga salbiy ta’sir ko‘rsatishi mumkin.

Aniqlangan muammolarni bartaraf etish maqsadida deputat tomonidan tegishli tashkilotlarga maktab binosini kapital ta’mirlash, mavjud kamchiliklarni bartaraf etish hamda zarur choralarni ko‘rish yuzasidan ma’lumotnoma va tegishli murojaat yuborilishi bildirildi.