O‘zb.Res.ning «Fermer xo‘jaligi to‘g‘risida»gi hamda «Dehqon xo‘jaligi to‘g‘risida»gi Qonuni qishloq xo‘jaligi sohasida xo‘jalik yurituvchi subyektlarning huquq va majburiyatlarini belgilash, ularning faoliyatini qonuniy asosda tashkil etish hamda yer va boshqa resurslardan samarali foydalanishning muhim huquqiy asoslarini yaratadi.
Tuman Kengashi deputati Z.Naxanboyev tomonidan tuman qishloq xo‘jaligi bo‘limi bilan hamkorlikda Ravot mfyda fermer xo‘jaliklari rahbarlari, issiqxona tashkil etib, dehqonchilik qilayotgan fuqarolar ishtirokida mazkur qonun hujjatlarining mazmun-mohiyati va amaliy ahamiyatiga bag‘ishlangan davra suhbati tashkil etildi.
Tadbirda fermer va dehqon xo‘jaliklarini tashkil etish, ularning faoliyat yuritishining huquqiy asoslari, yer uchastkalaridan oqilona va samarali foydalanish, qishloq xo‘jaligi mahsulotlarini yetishtirish, xo‘jalik yurituvchi subyektlarning huquq va majburiyatlari, qonunchilik talablariga rioya etish masalalariga alohida etibor qaratildi.