Xalıq deputatları Bozataw rayonlıq Keńesiniń Jaslar másláhát toparı aǵzası Dámekbaev Bawırjannıń baslaması menen Kóksuw APJ aymaǵındaǵı "Qaraqum iyshan" qoyımshılıǵında jaylasqan "Berdaq baba" maqbarası aymaǵın abadanlastırıw boyınsha bir qatar jumıslar ámelge asırılmaqta.

Atap aytqanda, tariyxıy hám ruwxıy áhmiyetke iye bolǵan bul aymaqtı taza, kórkem hám átirapın tártipke keltiriw, ziyaratshılar ushın sharayatlardı jaqsılawǵa ayrıqsha itibar qaratılmaqta.

Bul baslama arqalı tek ǵana aymaqtı abadanlastırıw emes, al ata-babalarımızdan qalǵan mádeniy hám ruwxıy miyrastı qásterlep saqlaw, onı keleshek áwladqa jetkeriw maqset etilmekte.

Jámiyetlik baslamaları jergilikli aymaqlardı rawajlandırıw, tariyxıy orınlardı qásterlep saqlaw hám jaslardı el-jurtqa paydalı jumıslarǵa tartıwda áhmiyetli ámeliy qádem bolıp tabıladı.