O‘rganish Xalq deputatlari Marg‘ilon shahar Kengashi raisi O.Axmatshayev, Kengash kotibiyat mudiri A.Ermatov hamda kotibiyat bosh mutaxassisi Z.Yakubova ishtirokida 2-Saxovat saylov okrugi hududidagi Ipakchi mahallasi Bog‘chasaroy ko‘chasida olib borildi.

Unda mazkur ko‘chadagi umumiy foydalanishdagi ikki qavatli uyda istiqomat qiluvchi fuqarolar uchun muhim bo‘lgan infratuzilma masalasining ijrosi, xususan, umumiy hojatxonani ta’mirlash bo‘yicha amalga oshirilgan ishlarning yakuniy bosqichi ko‘zdan kechirildi.

Mazkur ishlar Xalq deputatlari Marg‘ilon shahar Kengashining 2026-yil 8-iyundagi VII-27-42-11-168-K/26-son qaroriga muvofiq, “Infratuzilma va ijtimoiy barqarorlik” jamg‘armasi mablag‘lari hisobidan moliyalashtirilgan.

Deputatlar o‘rganish davomida amalga oshirilgan qurilish-ta’mirlash ishlarining holatini joyida ko‘zdan kechirdilar. Yakuniy bosqichda ayrim kamchiliklar mavjudligi aniqlanib, ularni bartaraf etish yuzasidan mas’ullarga tegishli topshiriq va tavsiyalar berildi.

O‘rganish yakunlari shuni ko‘rsatadiki, Kengash tomonidan qabul qilingan qarorlarning amaliy ijrosini joyiga chiqib nazorat qilish mavjud kamchiliklarni o‘z vaqtida aniqlash va ularni bartaraf etishga xizmat qilmoqda. Mazkur masala ijrosi deputatlik nazoratida qoladi.