Qurilish, rekonstruksiya va buzish ishlari natijasida hosil bo‘ladigan chiqindilarni belgilangan tartibda to‘plash, saqlash, tashish, qayta ishlash va joylashtirish — atrof-muhit muhofazasi hamda aholi uchun sog‘lom va obod muhitni ta’minlashning muhim shartlaridan biridir.

📌 Shu munosabat bilan xalq deputatlari Pastdarg‘om tumani Kengashi deputatlari uchun qurilish chiqindilari bilan bog‘liq ishlarni amalga oshirish holatini o‘rganishga qaratilgan deputatlik nazorati savollari ishlab chiqildi.

🔎 O‘rganish jarayonida, jumladan:
▪️ qurilish obyektlarida hosil bo‘layotgan chiqindilarning hisobini yuritish;
▪️ chiqindilarni alohida saralash va vaqtincha saqlash;
▪️ ularni qayta ishlash va takroriy foydalanish;
▪️ chiqindilarni belgilangan poligonlarga olib chiqish;
▪️ ixtisoslashgan tashkilotlar bilan shartnomalar mavjudligi;
▪️ qurilish chiqindilari monitoringi elektron platformasiga ma’lumotlarni kiritish;
▪️ chiqindilarni belgilanmagan joylarga tashlash holatlarining oldini olish;
▪️ chiqindilarni tashishda belgilangan talablarga rioya etilishi kabi masalalarga alohida e’tibor qaratiladi.

📊 Asosiy masala:
2026 yil davomida tumanda qancha qurilish chiqindisi hosil bo‘ldi? Uning qancha qismi qayta ishlandi, takroriy foydalanildi yoki belgilangan poligonlarga joylashtirildi?

⚠️ Qurilish chiqindilarini nazoratsiz tashlash nafaqat hudud obodligiga, balki atrof-muhit va aholi salomatligiga ham salbiy ta’sir ko‘rsatishi mumkin.

Deputatlik nazoratining maqsadi — muammoni aniqlash, mas’ullarni belgilash va qonunchilik talablarining amalda ijro etilishini ta’minlash.