Deputat tashabbusi bilan muammo ijobiy hal etildi

🔹 Xalq deputatlari Paxtachi tumani Kengashining 13-«Mirzo Ulug‘bek» saylov okrugidan saylangan deputati Kenjayev Farxod Bobomurodovich tomonidan fuqarolar tomonidan ko‘tarilgan muammo joyiga chiqib o‘rganilib, ijobiy hal etildi.

Xususan, Paxtachi tumani Bo‘ston mahallasida aholi uchun muhim bo‘lgan masalalardan biri — serqatnov ikki ko‘chani o‘zaro tutashtirib turuvchi ko‘prik masalasi uzoq yillardan buyon dolzarb bo‘lib kelayotgan edi. Mazkur muammo deputat tashabbusi bilan atroflicha o‘rganilib, amaliy yechim topdi.

Endilikda ushbu hududda yangi ko‘prik qurilishi rejalashtirilib, tegishli tashkilotlar bilan hamkorlikda qurilish ishlarini amalga oshirish bo‘yicha zarur choralar ko‘rilmoqda. Ushbu loyiha amalga oshirilishi natijasida aholining harakatlanishi ancha yengillashib, xavfsiz va qulay infratuzilma yaratiladi.