#kotibiyat_xodimi_faoliyati
#deputat_faoliyati
#162_ta_Qonun
#biriktirilgan_tashkilot

Biriktirilgan tashkilot bilan hamkorlik

Xalq deputatlari tuman Kengashiga 17-Bo‘g‘iston saylov okrugidan saylangan deputat U.Xo‘shboqov hamda tuman Kengashi kotibiyati bosh mutaxassisi A.Mamarajabov deputatga biriktirilgan tashkilot bilan ishlash yo‘nalishi doirasida Qiziriq tumani veterinariya va chorvachilik bo‘limida bo‘lib, bo‘lim tomonidan aholiga ko‘rsatilayotgan xizmatlar, veterinariya va chorvachilik sohasida amalga oshirilayotgan ishlar, mavjud muammolar hamda ularni bartaraf etish borasida ko‘rilayotgan choralar bilan tanishdilar.

O‘rganish davomida bo‘limning faoliyatiga oid hujjatlar va ish yuritish holati ko‘zdan kechirilib, aholiga veterinariya xizmatlarini ko‘rsatish, chorva mollarini kasalliklardan himoya qilish, profilaktik tadbirlarni tashkil etish hamda sohada belgilangan vazifalarning ijrosi yuzasidan mas’ullar bilan fikr almashildi.

Shuningdek, “Veterinariya to‘g‘risida”gi O‘zbekiston Respublikasi Qonuni (yangi tahrir), O‘RQ–397-son, 2015-yil 29-dekabr ijrosi yuzasidan tayyorlangan savolnoma asosida o‘rganish olib borildi.

O‘rganish jarayonida qonun talablarining amaliyotdagi ijrosi, veterinariya xizmatlarini tashkil etish, hayvonlar kasalliklarining oldini olish va veterinariya-sanitariya tadbirlarini amalga oshirish holatiga alohida e’tibor qaratildi. Shuningdek, qonunning mazmun-mohiyati va unda belgilangan talablar yuzasidan bo‘lim xodimlari o‘rtasida targ‘ibot-tushuntirish ishlari olib borildi.

Aniqlangan masalalar yuzasidan tegishli tavsiyalar berilib, qonun hujjatlari ijrosini ta’minlash hamda sohadagi mavjud muammolarni bartaraf etish bo‘yicha ishlarni davom ettirish belgilab olindi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram