Deputat tomonidan fuqarolar murojaati o‘rganildi.

Xalq deputatlari Bag‘dod tumani Kengashining "16-Qo‘shchinor" saylov okrugi deputati F.Sarimsaqov hamda Kengash Kotibiyati mudiri G‘.Abdullayev tomonidan "Qo‘shchinor" mahalla fuqarolar yig‘inining "Yangiavlod", "G‘ayrat" va "Yangiqishloq" ko‘chalarida navbatdagi o‘rganish ishlari olib borildi.

O‘rganish davomida mazkur ko‘chalarning infratuzilma holati joyiga chiqib ko‘zdan kechirildi hamda aholi bilan ochiq muloqot tashkil etildi.

Muloqot jarayonida fuqarolar J.Qahramonov va X.Xusanov tomonidan ushbu ko‘chalarda istiqomat qiluvchi aholi uzoq yillardan buyon yo‘llar asfaltlanmagani sababli, ayniqsa yog‘ingarchilik kunlarida qatnovda jiddiy qiyinchiliklarga duch kelayotgani ta’kidlandi. Shu munosabat bilan "Yangiavlod", "G‘ayrat" va "Yangiqishloq" ko‘chalarining 3 kilometr qismini asfaltlashtirish zarurligi yuzasidan murojaat bildirildi.

Aniqlangan mazkur masala deputatning "Ko‘chama-ko‘cha aylanish" daftariga qayd etilib, ijrosini ta’minlash maqsadida deputat nazoratiga olindi.