Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan tumanda yoshlarga oid davlat siyosatining amalga oshirilishi, “Yoshlarga oid davlat siyosati to‘g‘risida”gi Qonun ijrosining ta’minlanishi, bitiruvchilarning oliy ta’lim muassasalariga kirish ko‘rsatkichlarining 2 yillik tahlili hamda ijtimoiy soha obyektlarining kuz-qish mavsumiga tayyorgarligi masalalari yuzasidan hududlarda o‘rganish ishlari davom etmoqda.
Mazkur yo‘nalishlar doirasida Xalq deputatlari Pastdarg‘om tumani Kengashi deputati J.Ochilov tomonidan Gumbaz mahallasidagi 34-sonli umumta’lim maktabi hamda Qorovultepa mahallasidagi 66-sonli umumta’lim maktabida o‘rganish ishlari olib borildi.
O‘rganish davomida ta’lim muassasalarining kuz-qish mavsumiga tayyorgarligi, o‘quvchilar uchun yaratilgan shart-sharoitlar, hududlarning obodonlashtirish holati hamda mavjud kamchiliklar ko‘zdan kechirildi.
O‘rganish jarayonida har ikkala maktab hududida ham obodonlashtirish ishlari yakuniga yetkazilmagani, ayrim hududlarda tartibga keltirish va ko‘kalamzorlashtirish ishlarini davom ettirish zarurligi aniqlandi.
Aniqlangan kamchiliklar yuzasidan mas’ullarga tegishli tavsiyalar berilib, ularni bartaraf etish bo‘yicha amalga oshiriladigan ishlar deputatlik nazoratiga olindi.