#Open_budjet_ijrosi #Deputatlik_nazorati #Kotibiyat_hududlarda #24_ta_tavsiyaviy_savol #haftalik_ish_reja_ijrosi #Doimiy_kimissiya_nazorati

OPEN BUDJET: SPORT MAKTABI YANGILANMOQDA

🇺🇿 Open budjet loyihasining 2026-yil 1-mavsumi g‘olibi bo‘lgan Uchtepa tumanidagi 1-sonli sport maktabida amalga oshirilayotgan qurilish-ta'mirlash ishlari xalq deputatlari Uchtepa tumani Kengashining Mahalliy budjet, tadbirkorlikni rivojlantirish va iqtisodiy islohotlarni amalga oshirish masalalari bo‘yicha doimiy komissiyasi raisi Jamshid Karimov hamda xalq deputatlari Uchtepa tumani Kengashi kotibiyati mudiri Anvar Usmanov tomonidan joyiga chiqib o‘rganildi.

🕯 Loyiha doirasida sport maktabi binosining ichki va tashqi qismini mukammal ta'mirlash, tom qismini rekonstruksiya qilish, isitish tizimini yangilash, elektr tarmoqlarini almashtirish, sport zalining pol qoplamasini ta'mirlash hamda quyosh panellarini o‘rnatish ishlari amalga oshirilmoqda.

💬 O‘rganish davomida deputatlar qurilish-montaj ishlarining borishi, foydalanilayotgan qurilish materiallari va uskunalarning sifati bilan yaqindan tanishdi. Ishlarning belgilangan loyiha-smeta hujjatlari hamda qurilish me'yorlari asosida olib borilishi yuzasidan mutaxassislar bilan fikr almashilib, pudratchi tashkilot vakillariga sifat va muddat masalalariga alohida e'tibor qaratish bo‘yicha tavsiyalar berildi.

📁 Qayd etilganidek, Open budjet loyihasi orqali Uchtepa tumanida ta'lim, sport va boshqa ijtimoiy soha obyektlarida keng ko‘lamli qurilish hamda rekonstruksiya ishlari izchil amalga oshirilmoqda. Bu esa fuqarolar tashabbuslarini qo‘llab-quvvatlash, zamonaviy infratuzilmani rivojlantirish va aholiga yanada qulay sharoitlar yaratishga xizmat qilmoqda.

📈 Mazkur obyektdagi qurilish-ta'mirlash ishlari deputatlik nazoratida davom ettiriladi.