Xalq deputatlari Olmaliq shahar Kengashining navbatdagi sessiyasiga tayyorgarlik jarayonida deputatlarning o‘z saylov okruglarida aholi muammolarini o‘rganishi hamda ularni doimiy komissiya muhokamasiga kiritishi bo‘yicha topshiriq ijrosi ta'minlanmoqda.

Ushbu topshiriqqa muvofiq, shahardagi "Chambil" mahallasida navbatdagi o‘rganish va muloqot tadbiri tashkil etildi. E'tiborli jihati, mazkur hudud deputati bir vaqtning o‘zida ushbu mahalla raisi ham bo‘lganligi bois, xolis va atroflicha o‘rganish o‘tkazish maqsadida jarayon Kengash Kotibiyati mudiri Sevar Qodirova hamda 2-okrug deputati Abdujabbor Djurayev tomonidan olib borildi.

🔍 O‘rganishlar davomida quyidagi masalalarga alohida e’tibor qaratildi:
🛠 Mahalla infratuzilmasi, hududdagi mavjud muammo va kamchiliklar;
👥 "Mahalla yettiligi" faoliyatining samaradorligi;
📩 Fuqarolar murojaatlari bilan ishlash va ularning ko‘rib chiqilish tartibi;
🗳 "Tashabbusli budjet" jarayonlarida aholining faolligi hamda takliflar ijrosi.
Natija:

O‘rganishlar yakuniga ko‘ra "Chambil" mahallasidagi haqiqiy holat bo‘yicha tegishli xulosalar tayyorlandi. Mazkur xulosalar ko‘rib chiqish va bo‘lajak sessiya kun tartibiga kiritish uchun Xalq deputatlari Olmaliq shahar Kengashining tegishli doimiy komissiyasiga taqdim etildi.
Aholi manfaatlari va hududlar obodligi yo‘lidagi deputatlik nazorati hamda o‘rganishlar izchil davom etadi.