Xalq deputatlari Olmaliq shahar Kengashi deputatlari tomonidan hududlarda jamoat transporti tizimini yaxshilash hamda aholi uchun xavfsiz va qulay sharoitlar yaratish borasida tizimli ishlar amalga oshirilmoqda.
"Oydin" mahallasida joylashgan jamoat transporti parki faoliyati hamda yangi yoʻnalishlarning tayyorgarlik holati joyiga chiqqan holda oʻrganildi.
Mazkur nazorat va oʻrganish tadbiri hudud deputati Behzod Salimovning vakili sifatida shahar Kengashi Kotibiyati mudiri Sevar Qodirova tomonidan tashkil etildi.
✨ Oʻrganish davomida barcha zamonaviy sharoitlar va qulayliklar bilan jihozlangan yangi avtobuslarning qatnov yoʻnalishlari tahlil qilindi. Unga koʻra, yangi jamoat transporti vositalari shahardagi "2"-yo'nalish bilan  3-Mis boyitish fabrikasi (MOF-3) zavodidan "Boʻston" mahallasi ichki koʻchalari orqali harakatlanishi belgilangan.
🎯 Ushbu yangi yoʻnalishning asosiy maqsadlari:
"Boʻston" mahallasi ichki koʻchalarida yashovchi fuqarolarning jamoat transportiga boʻlgan ehtiyojini toʻliq qondirish va uzogʻini yaqin qilish;
Ichki koʻchalarda transport qatnovini tizimlashtirish orqali yoʻl-transport hodisalarining oldini olish va kamaytirish.

Deputat jamoasi va Kotibiyat tomonidan aholi farovonligini taʼminlash bilan bogʻliq bu kabi oʻrganishlar va amaliy choralar doimiy ravishda davom ettiriladi.