Xalq deputatlari Xorazm viloyati Kengashi kotibiyati mudiri U.Quryazov, viloyat Kengashi deputati G‘.G‘oyibov, Xonqa tumani Kengashi raisi X.Abdiramanov hamda Savdo-sanoat palatasi Xonqa tumani bo‘limi boshlig‘i O.Zaripov ishtirokida Xonqa tumanidagi "Xonqa Billur Salt" xususiy korxonasida o‘rganish ishlari olib borildi.

🔍 O‘rganish davomida "Yod yetishmasligi kasalliklari profilaktikasi to‘g‘risida"gi O‘zbekiston Respublikasi Qonunining (2007-yil 3-maydagi O‘RQ–97-son) ijrosi atroflicha tahlil qilindi. Jumladan, korxonada ishlab chiqarilayotgan osh tuzining yod bilan boyitilishi, mahsulot sifati, belgilangan standartlarga rioya etilishi hamda iste'molchilar salomatligini ta'minlashga qaratilgan talablarning bajarilishi ko‘zdan kechirildi.

✅ O‘rganish yakunida mas'ullar tomonidan ishlab chiqarish jarayonini yanada takomillashtirish, qonunchilik talablariga qat'iy rioya etish, sifat nazoratini kuchaytirish hamda aholini sifatli va yodlangan osh tuzi bilan uzluksiz ta'minlash yuzasidan tegishli tavsiya va takliflar bildirildi.