🇺🇿 Xalq deputatlari Shovot tumani Kengashi kotibiyati mudiri Masharipov Izzat Masharipovich hamda Kengash kotibiyati bosh mutaxassisi Ro‘zmetov Umrbek Shavkatovich tomonidan tumanning Shovot mahalla fuqarolar yig‘inidagi “Do‘stlik” ko‘chasida amalga oshirilayotgan loyihalar ijrosi joyiga chiqib o‘rganildi.
📝 O‘rganish davomida hududda faoliyat yuritayotgan tadbirkorlik subyektlari faoliyati, shuningdek, yangi savdo va xizmat ko‘rsatish obyektlarini tashkil etish hamda ichki yo‘llarni joriy ta’mirlash ishlari ko‘zdan kechirildi. Ayni paytda amalga oshirilayotgan qurilish va obodonlashtirish ishlari yuzasidan mas’ullar bilan suhbat o‘tkazilib, belgilangan vazifalarning ijrosi tahlil qilindi.
✅ O‘rganish yakunida mas’ullarga loyihalarni belgilangan muddatlarda sifatli yakunlash, tadbirkorlikni qo‘llab-quvvatlash, yangi ish o‘rinlarini yaratish hamda hudud infratuzilmasini yanada yaxshilash bo‘yicha tegishli tavsiya va ko‘rsatmalar berildi.