Xalq deputatlari Qo‘qon shahar Kengashi deputati X.Nazarova tomonidan “At-Termiziy” mahalla fuqarolar yig‘inida saylovchilar bilan navbatdagi uchrashuv o‘tkazilib, deputatlik faoliyati yuzasidan axborot berildi.

Uchrashuv davomida deputat tomonidan joriy davr mobaynida saylov okrugida amalga oshirilgan ishlar, fuqarolar murojaatlari bilan ishlash, mahalladagi dolzarb muammolarni bartaraf etish borasida “mahalla yettiligi” bilan yo‘lga qo‘yilgan hamkorlik hamda ushbu hamkorlikning amaliy natijalari haqida so‘z yuritildi.

Shuningdek, deputatlik faoliyatining asosiy yo‘nalishlari, mahalliy Kengash deputatining vakolatlari, saylovchilar manfaatlarini himoya qilish, deputatlik nazoratini amalga oshirish hamda aholi murojaatlarini qonunchilik asosida ko‘rib chiqish tartibi yuzasidan batafsil tushuntirishlar berildi.

Uchrashuvda fuqarolarning huquqiy madaniyatini yuksaltirish, amaldagi qonunchilik mazmun-mohiyatini keng targ‘ib qilish, aholining huquqiy bilimlarini oshirish va huquqiy targ‘ibot ishlarini kuchaytirish masalalari yuzasidan ham saylovchilar bilan fikr almashildi.

Xalq deputatlari Qo‘qon shahar Kengashi