Xalq deputatlari Angor tumani Kengashining 20-Do‘stlik saylov okrugi hududidagi Novshahar mahallasi hokim yordamchisi faoliyati Xalq deputatlari Angor tumani Kengashi kotibiyati bosh mutaxassisi Xurramov Laziz tomonidan o‘rganildi.

O‘rganish jarayonida hokim yordamchisi tomonidan aholi bandligini ta’minlash, tadbirkorlikni rivojlantirish, kambag‘allikni qisqartirish, fuqarolarning murojaatlari bilan ishlash hamda mahallada amalga oshirilayotgan ijtimoiy-iqtisodiy loyihalar ijrosi tahlil qilindi.

Shuningdek, "mahalla yettiligi" bilan hamkorlik, xonadonbay ishlash tizimi, ehtiyojmand oilalarni qo‘llab-quvvatlash va yangi ish o‘rinlarini yaratish borasida olib borilayotgan ishlar yuzasidan fikr almashildi. Aniqlangan kamchiliklarni bartaraf etish hamda faoliyat samaradorligini yanada oshirish bo‘yicha tegishli tavsiya va takliflar bildirildi.

Bunday o‘rganishlar mahallalarda olib borilayotgan ishlar samaradorligini oshirish, aholining muammolarini o‘z vaqtida hal etish hamda davlat dasturlari ijrosini ta’minlashga xizmat qiladi.