Navoiy shahar Yoshlar ishlari bo‘limining faoliyati o‘rganildi

Xalq deputatlari Navoiy shahar Kengashi kotibiyat mudiri Jo‘rabek Hafizov tomonidan joriy yilning 6-iyul kuni “Navoiy shahar Yoshlar ishlari bo‘limi” tomonidan amalga oshirilgan ishlar hamda kelgusida bajarilishi lozim bo‘lgan chora-tadbirlar rejasi o‘rganildi.

O‘rganish davomida yoshlar bilan ishlash tizimi, ularning bandligini ta’minlash, bo‘sh vaqtlarini mazmunli tashkil etish, iqtidor va tashabbuslarini qo‘llab-quvvatlash borasida amalga oshirilayotgan ishlar tahlil qilindi.

Shuningdek, yoshlar muammolarini aniqlash va ularni manzilli hal etish, belgilangan vazifalar ijrosini ta’minlash hamda kelgusida amalga oshirilishi rejalashtirilgan chora-tadbirlar muhokama qilindi.

O‘rganish yakunlari bo‘yicha “Navoiy shahar Yoshlar ishlari bo‘limi” faoliyatini yanada takomillashtirish, yoshlar bilan ishlash samaradorligini oshirish hamda belgilangan vazifalarni o‘z vaqtida amalga oshirish yuzasidan tegishli tavsiya va takliflar berildi.