#uchrashuv
#tuman_hokimi

📌 AHOLI MUROJAATLARI VA YOSHLAR MASALALARI MUHOKAMA QILINDI

👨‍💼15-Burgansoy saylov okrugidan saylangan deputat, Kattaqo‘rg‘on tumani hokimi J.Nasriddinov tomonidan tumandagi 73-sonli umumta’lim maktabida Burgansoy mahallasi fuqarolari bilan navbatdagi uchrashuv tashkil etildi.

✅Uchrashuv davomida mahalla aholisining turmush sharoitini yaxshilash, infratuzilmani rivojlantirish, ichki yo‘llarni ta’mirlash, elektr energiyasi va ichimlik suvi ta’minoti, ijtimoiy himoyaga muhtoj oilalarni qo‘llab-quvvatlash hamda boshqa dolzarb masalalar yuzasidan murojaatlar tinglandi.

✅Shuningdek, yoshlar bandligini ta’minlash, ularni kasb-hunarga yo‘naltirish, tadbirkorlik faoliyatini boshlash uchun yaratilayotgan imkoniyatlar, bo‘sh ish o‘rinlariga joylashtirish hamda yoshlarning bo‘sh vaqtini mazmunli tashkil etish masalalariga alohida e’tibor qaratildi.

✅Muloqot jarayonida fuqarolar tomonidan bildirilgan taklif va muammolar atroflicha muhokama qilinib, ularning yechimi yuzasidan mas’ul tashkilotlar rahbarlariga tegishli topshiriqlar berildi. Ayrim murojaatlar joyida hal etilgan bo‘lsa, qo‘shimcha o‘rganishni talab etadigan masalalar nazoratga olindi.

🦅Bunday ochiq muloqotlar aholi bilan yaqin hamkorlikni mustahkamlash, mavjud muammolarni o‘z vaqtida aniqlash va ularni bartaraf etish orqali hududlarni yanada obod va farovon etishga xizmat qilmoqda.

🇺🇿🏛🇺🇿 Kattaqo‘rg‘on tuman Kengashi
Telegram | Facebook | Instgram