Deputatlar tashabbusi bilan maʼnaviy-maʼrifiy uchrashuvlar oʻtkazildi
🇺🇿 “Yagona Vatan — yagona xalq bo‘lib, yangi hayot va kelajak yaratamiz” shiori ostida yurtimiz boʻylab nishonlanayotgan Mustaqillik toʻyi festivali doirasida Baxmal tumanida ham “Kinokarvon” loyihasi yuqori saviyada tashkil etildi.
📌 Xalq deputatlari Baxmal tuman Kengashi deputatlari yoshlar tarbiyasi, maʼnaviy-maʼrifiy ishlarni kuchaytirish hamda aholi bilan toʻgʻridan-toʻgʻri muloqotni yoʻlga qoʻyish maqsadida ushbu tadbirlarda faol ishtirok etmoqdalar.
🏫 Festival doirasida tumandagi Ixtisoslashtirilgan maktabda kino namoyishi hamda poytaxtdan tashrif buyurgan taniqli ijodkorlar bilan samimiy suhbatlar o‘tkazildi. Deputatlar hamda keng jamoatchilik vakillari ishtirok etgan ushbu tadbirda milliy qadriyatlar, vatanparvarlik va hamjihatlik g‘oyalari ilgari surildi.