Xalq deputatlari Jondor tumani Kengashiga 2-Aleli saylov okrugidan saylangan deputat Z. Shomurodova hamda tuman Kengashi kotibiyati bosh mutaxassisi R.Murodov hamkorligida Navgadi mahallasida O‘zbekiston Respublikasining 2021-yil 15-dekabrdagi “Favqulodda holat to‘g‘risida”gi O‘RQ-737-sonli Qonuni ijrosini ta’minlash maqsadida targ‘ibot tadbiri o‘tkazildi.
🔹Tadbir davomida mazkur Qonunning mazmun-mohiyati, favqulodda holat joriy etilishining huquqiy asoslari, fuqarolarning huquq va majburiyatlari, davlat organlarining vakolatlari hamda favqulodda vaziyatlarda jamoat xavfsizligini ta’minlashga qaratilgan chora-tadbirlar haqida batafsil tushuntirishlar berildi.
🔹Shuningdek, favqulodda holat yuzaga kelgan sharoitda fuqarolarning qonun talablariga rioya etishi, rasmiy axborot manbalariga tayanishi, jamoat tartibini saqlash va mas’uliyatni chuqur his etish muhim ekani alohida ta’kidlandi.
🔹Tadbir yakunida ishtirokchilarni qiziqtirgan savollarga atroflicha javob berildi hamda aholi o‘rtasida huquqiy madaniyatni yuksaltirish, qonunchilik hujjatlarining mazmun-mohiyatini keng targ‘ib etish bo‘yicha bu kabi uchrashuvlarni muntazam tashkil etish zarurligi qayd etildi.