Xalıq deputatları Bozataw rayonlıq Keńesiniń 12-sanlı "Aspantay" saylaw okruginen saylanǵan deputat G.Jumanazarova ózine biriktirilgen jaslar jetekshisi Z.Kóbeysinova menen birgelikte saylaw okrugi aymaǵında jasaytuǵın puqaralar menen ushırasıw ótkerdi.

Ushırasıw dawamında puqaralardıń múrájatları, turmıslıq mashqalaları hám máhálledegi áhmietli máseleler tıńlanıp, olardı sheshiw boyınsha pikir alısıldı. Sonıń menen birge, ámeldegi mámleketlik baǵdarlamalar, jaslar hám hayal-qızlardı qollap-quwatlaw boyınsha alıp barılıp atırǵan jumıslar haqqında túsinikler berildi.

Ushırasıw juwmaǵında kóterilgen máseleler boyınsha tiyisli shólkemler menen birgelikte ámeliy ilajlar belgilenip, olardıń orınlanıwın deputatlıq qadaǵalawǵa alıw belgilendi.