СЕНАТ РАИСИ РАИСЛИГИДА ВИДЕОКОНФЕРЕНЦАЛОҚА ЙИҒИЛИШИ ЎТКАЗИЛДИ
Бугун Ўзбекистон Республикаси Президенти раислигида маҳаллаларга янги муҳит олиб кириш, «маҳалла еттилиги» фаолиятини янгича ташкил этиш бўйича устувор вазифалар ҳамда ёқилғи-энергетика тармоғида келгусида амалга ошириладиган чора-тадбирларга бағишланган видеоселектор йиғилишида белгиланган вазифалар ижросини таъминлаш мақсадида Ўзбекистон Республикаси Олий Мажлиси Сенати Раиси раислигида видеоконференцалоқа шаклида йиғилиш ўтказилди.
Йиғилишда Халқ депутатлари Наманган вилояти Кенгаши раиси С. Муминов, вилоят Кенгаши котибияти мудири Т. Гаппаров, Наманган вилоятидан сайланган Ўзбекистон Республикаси Олий Мажлиси Сенати аъзолари, вилоят Кенгаши доимий комиссиялари раислари, туман ва шаҳар Кенгашлари котибият мудирлари ҳамда ҳудудлардаги доимий комиссиялар раислари иштирок этдилар.
Йиғилиш давомида маҳаллалар фаолиятини янада такомиллаштириш, «маҳалла еттилиги» олдига қўйилган вазифалар ижросини самарали ташкил этиш, аҳоли билан ишлаш тизимини янги босқичга олиб чиқиш ҳамда фуқаролар мурожаатларини тезкор ва натижадор ҳал этиш масалалари муҳокама қилинди.
Шунингдек, ёқилғи-энергетика соҳасида келгусида амалга ошириладиган ишлар, куз-қиш мавсумига пухта тайёргарлик кўриш, энергия ресурсларидан оқилона ва тежамкор фойдаланиш, аҳоли ҳамда ижтимоий соҳа объектларини барқарор энергия ресурслари билан таъминлаш масалаларига алоҳида эътибор қаратилди.
Муҳокамалар якунида белгиланган вазифалар ижросини ҳудудларда самарали ташкил этиш, маҳаллалар фаолиятини янада ривожлантириш, аҳоли манфаатларини таъминлаш ва амалга оширилаётган ислоҳотларнинг натижадорлигини ошириш бўйича масъулларга тегишли топшириқлар берилди.