#deputat_tashabbusi #deputatlar_nazorati #poytaxtdeputatlari #deputatlik_faoliyati

❗️ Davlat kadastrlari palatasi Toshkent shahar boshqarmasi tomonidan 937-sonli Qonun ijrosi yuzasidan amalga oshirilgan ishlar mavzusida matbuot tadbiri o‘tkazildi.

🏛 Unda mas’ullar Xalqchil Qonun doirasida olib borilayotgan xatlov jarayoni va uning natijalari, shuningdek, 2026-yil 15-iyundagi O‘RQ–1153-son Qonuni bilan “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi Qonunga kiritilgan o‘zgarishlar haqida ma’lumot berildi.

📝 Mazkur tadbirda Xalq deputatlari Toshkent shahar Kengashi deputatlari S.Saifnazarov, S.Said Gaziyeva, V.Alimova hamda Toshkent shahar Kengashi kotibiyat mudiri, deputat D.Ravshanbekovlar ishtirok etdi. Tadbirning birinchi qismida boshqarma bo‘lim boshliqlari B.Abdumalikov hamda O.Anvarovlar so‘zga chiqib, mazkur xalqchil qonun bilan aholiga yaratilgan qulayliklar, xatlov natijalari va qonunchilikdagi yangiliklar haqida ma’lumot berildi. Mazkur tizim nafaqat ko‘chmas mulklarni huquqiy muhofaza qilish, balki yurtdoshlarimizga barqaror yashash, tadbirkorlik qilish, kredit olish imkoniyatlarini yaratishligi alohida qayd etib o‘tildi.

🔺 Shundan so‘ng Qonun doirasida huquqlari e’tirof etilgan bir guruh fuqarolar samimiy qutlandi. Tadbirining ikkinchi qismida OAV xodimlari Shayxontohur tumanida olib borilayotgan xatlov jarayonlarini bevosita joyiga chiqib o‘rgandilar. Bu jarayonda kadastr muhandislari, mahalla faollari va fuqarolar bilan ham yaqindan muloqot qilindi.

📱 Telegram 📱 Instagram 📱 Facebook 📱 YouTube 🔎 E-kengash