Xalq manfaatlari – ustuvor vazifa

Xalq deputatlari Qo‘shko‘pir tumani Kengashi raisi M. Tangriberganov Yovg‘ir mahallasida bo‘lib, hududni ko‘chama-ko‘cha aylanib, mavjud muammolarni joyiga chiqib o‘rgandi.
O‘rganishlar davomida mahalla aholisi bilan ochiq va samimiy muloqot o‘tkazilib, fuqarolarni qiynayotgan ijtimoiy, infratuzilmaviy hamda kommunal yo‘nalishdagi masalalar tinglandi. Har bir murojaat atroflicha ko‘rib chiqilib, ularni qonuniy va o‘z vaqtida hal etish yuzasidan mas’ul idora va tashkilotlar rahbarlariga aniq vazifalar hamda tegishli topshiriqlar berildi.
Ta’kidlanganidek, joylarda muammolarni bevosita o‘rganish, aholi bilan ochiq muloqotni yo‘lga qo‘yish va har bir murojaatga amaliy yechim topish xalq ishonchini mustahkamlash, hududlarni kompleks rivojlantirish hamda inson manfaatlarini ta’minlash yo‘lidagi ustuvor vazifalardan biri hisoblanadi.
Bu kabi o‘rganishlar davom ettirilib, fuqarolar murojaatlarida ko‘tarilgan har bir masala doimiy nazorat ostida bo‘ladi.