Xalq deputatlari Pastdarg‘om tuman Kengashining navbatdagi sessiyasida ko‘rib chiqiladigan masalalar yuzasidan deputatlar tomonidan hududlarda amaliy o‘rganishlar izchil davom ettirilmoqda.

Shu doirasida tuman Kengashi deputati M. Altibayeva tomonidan Chandirabod mahalla fuqarolar yig‘inidagi “Yoshlar” ko‘chasida o‘rganish ishlari olib borildi.

O‘rganish jarayonida mahalla raisi bilan birgalikda xonadonlar va ko‘chalarda obodonlashtirish ishlarini tashkil etish, hududni yanada ozoda va ko‘rkam holatga keltirish bo‘yicha fuqarolar o‘rtasida targ‘ibot-tushuntirish ishlari olib borildi.

Ma’lumki, navbatdagi sessiya kun tartibiga “O‘zbekiston–2030” strategiyasining suv resurslaridan oqilona foydalanish yo‘nalishi bo‘yicha amalga oshirilgan ishlar hamda tumanda suv tejovchi sug‘orish texnologiyalarini joriy etish holati to‘g‘risida”gi masala kiritilgan.