31-sonli maktabgacha ta'lim tashkilotida yaratilgan sharoitlar o‘rganildi

Xalq deputatlari Navoiy shahar Kengashi deputati Xudoyqulova Nargiza G‘aybullayevna, O‘zbekiston Xalq demokratik partiyasi Navoiy shahar Kengashi raisi Jo‘rabek Hamroyev hamda kotibiyat bosh mutaxassisi Muborak Astanova Navoiy shahridagi 31-sonli maktabgacha ta'lim tashkilotida bo‘lib, tarbiyalanuvchilar uchun yaratilgan shart-sharoitlarni o‘rgandilar.

Tashrif davomida bolalarning shaxsiy gigiyena qoidalariga rioya etishi, xususan, qo‘l yuvish uchun yaratilgan sharoitlar, yotoqxonalar hamda mashg‘ulot xonalarining holati ko‘zdan kechirildi.

Shuningdek, tarbiyalanuvchilarning sifatli ta'lim-tarbiya olishi, xavfsiz va qulay muhitda tarbiyalanishi uchun yaratilgan sharoitlar bilan yaqindan tanishildi.

O‘rganish yakunida maktabgacha ta'lim tashkilotida sanitariya-gigiyena talablariga qat'iy rioya etish, mavjud shart-sharoitlarni yanada yaxshilash hamda ta'lim-tarbiya jarayoni sifatini oshirish yuzasidan mas'ullarga tegishli tavsiya va takliflar bildirildi.