🏗 Xalq deputatlari Nurafshon shahar Kengashi deputati K.Umarboyev tomonidan ko‘p qavatli turar joy binolari va ijtimoiy soha ob’ektlaridagi #lift_qurilmalarining_ishlash holati hamda xavfsizlik talablariga javob berishi joyiga chiqqan holda o‘rganildi.

O‘rganish jarayonida asosiy e’tibor quyidagilarga qaratildi:

🔹Liftlarning texnik sozligi, tormoz tizimlari, arqonlarning mustahkamligi va favqulodda to‘xtatish tugmalarining ishlashi;
🔹 Liftlarga xizmat ko‘rsatuvchi servis kompaniyalari tomonidan profilaktika ishlarining o‘z vaqtida va sifatli bajarilayotganligi;
🔹 Lift kabinalarining tozaligi, yoritish tizimi hamda aloqa (dispetcherlik) vositalarining mavjudligi.

O‘rganish davomida ayrim ko‘p qavatli uylarda liftlarning muddati o‘tganligi yoki ta’mirtalab ekanligi aniqlanib, ularni qisqa muddatda sozlash va xavfsiz ekspluatatsiya qilish bo‘yicha mas’ul boshqaruv servis kompaniyalariga hamda soha mutasaddilariga tegishli ko‘rsatmalar berildi.

Mas'ul mutaxassis I.Omonboyev