Joriy yilning 13-may kuni Xalq deputatlari Zarafshon shahar Kengashining navbatdagi yigirma yettinchi sessiyasi ZOOM platformasi orqali bo‘lib o‘tdi. Sessiya ishida Xalq deputatlari Zarafshon shahar Kengashi deputatlari, kengash kotibiyati va aloqador korxona-tashkilot rahbarlari  qatnashdi. Ushbu sessiyaga Xalq deputatlari shahar Kengashi raisi Husniddin Ernafasov raislik qildi. Sessiya kun tartibida 9 ta masala koʻrib chiqildi.

Xususan:

1. 2026-yilning I choragi davomida shaharda favqulotda vaziyatlarni oldini olish borasida amalga oshirilgan ishlar toʻgʻrisida.

2.   Shaharda O‘zbekiston Respublikasi Prezidentining “O‘zbekiston Respublikasi jamoat xavfsizligi konsepsiyasini tasdiqlash va uni amalga oshirish chora-tadbirlari to‘g‘risida” 2021-yil 29-noyabrdagi PF-27-son Farmoni ijrosi yuzasidan 2026-yilning I choragi davomida amalga oshirilgan ishlar to‘g‘risida.

3. “Olmazor tajribasi” asosida Zarafshon shahrini ijtimoiy-iqtisodiy rivojlantirishga qaratilgan kompleks chora-tadbirlar rejasi to‘g‘risida.

4. Shaharda yoshlar va bitiruvchilar bandligini ta’minlash borasida olib borilayotgan ishlar to‘g‘risida.

5. Xalq deputatlari shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasining shahar soliq inspeksiyasida korrupsiyaning oldini olish va unga qarshi kurashish borasida amalga oshirilayotgan ishlarni o‘rganish natijalari to‘g‘risida.

6. Zarafshon shahar budjetining qo‘shimcha manbalarini aniqlash hamda undan foydalanishni tartibga solishni takomillashtirish to‘g‘risidagi nizomni tasdiqlash to‘g‘risida.

7. “Infratuzilma va ijtimoiy barqarorlik” jamg‘armasidan mablag‘ ajratish to‘g‘risida.

8. Shaharda jamoatchilik fikri asosida ishlab chiqilgan “Mening bog‘im” loyihalarini shakllantirish va moliyalashtirish tartibi to‘g‘risida.

9. “Besh tashabbus olimpiadasi” doirasida sportning futbol turi bo‘yicha Davlat xavfsizlik xizmati kubogi musobaqasining Zarafshon shahar bosqichini yuqori saviyada tashkil etishni moliyalashtirish to‘g‘risida.

Yuqoridagi masalalar bo'yicha amalga oshirilgan ishlar yuzasidan mutasaddilarning hisobotlari tinglandi va tegishli qarorlar qabul qilindi.