DEPUTATLÍQ QADAǴALAW
Xalıq deputatları Bozataw rayonlıq Keńesi sekretariat baslıǵı A. Ibragimov, 6-sanlı «Ándijan» saylaw okruginen deputat Sh. Berdaxov hám 3-sanlı «Mádeniyat» saylaw okruginen deputat G. Yusupovalar tárepinen «Kók suw» APJ aymaǵındaǵı 7-MSHBSHniń gúz-qıs máwsimine tayarlıǵı hám baǵsha shárayatları úyrenildi.
Úyreniw dawamında balalardıń tálim-tárbiyası ushın jaratılǵan shárayatlar, toparxanalar, oyın maydanları, asxana, jılıtıw sisteması hám sanitariyalıq jaǵdaylar kózden ótkerildi.
Sonday-aq, baǵshada balalardıń qáwipsizligi, qolaylı shárayatta tálim alıwı hám gúz-qıs máwsimin sapalı ótkiziwi ushın zárúr shárayatlarǵa itibar qaratıldı.
Úyreniw nátiyjesinde anıqlanǵan máselelerdi saplastırıw boyınsha tiyisli shólkemler menen birgelikte is alıp barıw hám deputatlıq qadaǵalawdı dawam ettiriw belgilenip alındı.