PQ-402-sonli qaror ijrosi o‘rganildi

Xalq deputatlari Namangan shahar Kengashining 1-Sanoat saylov okrugidan saylangan deputati N. Sadritdinov tomonidan “Objuvoz” mahalla fuqarolar yig‘inida O‘zbekiston Respublikasi Prezidentining 2023-yil 21-dekabrdagi “O‘zbekiston mahallalari uyushmasi faoliyatini yo‘lga qo‘yish va mahallalarda boshqaruv tizimini takomillashtirishga oid qo‘shimcha chora-tadbirlar to‘g‘risida”gi PQ-402-son qarori ijrosi o‘rganildi.

O‘rganish jarayonida mazkur qaror asosida mahallalarda boshqaruv tizimini takomillashtirish, “mahalla yettiligi” faoliyatini samarali tashkil etish, aholini ijtimoiy qo‘llab-quvvatlash, hududdagi muammolarni o‘z vaqtida aniqlash va bartaraf etish borasida amalga oshirilayotgan ishlar holati tahlil qilindi.

Shuningdek, mahalla fuqarolar yig‘inida fuqarolarning murojaatlari bilan ishlash, ehtiyojmand oilalarni qo‘llab-quvvatlash, bandlikni ta’minlash hamda hudud infratuzilmasini yaxshilash yuzasidan olib borilayotgan ishlar ko‘zdan kechirildi.

O‘rganish yakunlari bo‘yicha aniqlangan kamchiliklarni bartaraf etish, belgilangan vazifalar ijrosini jadallashtirish hamda mas’ul tashkilotlar faoliyatini yanada kuchaytirish yuzasidan tegishli tavsiya va topshiriqlar berildi.