YOSHLAR KELAJAGI — E’TIBOR MARKAZIDA!

Xalq deputatlari Namangan shahar Kengashi deputati Bahodir Xalilov o‘zining 2-Barkamol avlod saylov okrugida joylashgan 75-maktabda tashkil etilgan “Kasblar festivali”da ishtirok etdi. Mazkur tadbir yoshlarni turli kasb-hunarlarga yo‘naltirish, ularning qiziqish va qobiliyatlarini rivojlantirishga xizmat qildi.

Festival doirasida tashkil etilgan ko‘rgazmalarda o‘quvchilarning amaliy ishlari, kasblarga oid ijodiy namoyishlari taqdim etildi. Yoshlar o‘z iqtidor va mahoratlarini namoyon etib, turli sohalarga bo‘lgan qiziqishlarini yaqqol ko‘rsatdilar.

Deputat o‘z nutqida yoshlarga murojaat qilib, kelajakda yetuk mutaxassis bo‘lish uchun puxta bilim olish, doimiy ravishda o‘z ustida ishlash va mehnatdan qochmaslik zarurligini ta’kidladi. Shuningdek, bunday tadbirlar yoshlarning hayotda o‘z o‘rnini topishida muhim ahamiyat kasb etishini qayd etdi.

Mazkur festival yoshlarning kasb tanlash jarayonida to‘g‘ri yo‘l tutishiga ko‘maklashish, ularni zamonaviy va talab yuqori bo‘lgan kasblarga yo‘naltirish hamda amaliy ko‘nikmalarini mustahkamlashda muhim maydon bo‘lib xizmat qildi.