📌 DOIMIY KOMISSIYA YIG‘ILISHI

Xalq deputatlari Oqoltin tumani Kengashining navbatdagi 34-sessiyasi kun tartibiga kiritilgan masalani ko‘rib chiqish maqsadida Kengashning Mahalliy budjet, tadbirkorlikni rivojlantirish va ijtimoiy islohotlar masalalari bo‘yicha doimiy komissiyasi yig‘ilishi bo‘lib o‘tdi.

Yig‘ilishda tuman mahalliy budjetining 2026-yil boshiga shakllangan erkin qoldiq mablag‘lari hisobidan mablag‘ ajratish to‘g‘risidagi masala muhokama qilindi.

Muhokama davomida erkin qoldiq mablag‘laridan samarali va maqsadli foydalanish, mablag‘larni tegishli yo‘nalishlarga yo‘naltirish hamda hududda mavjud ijtimoiy-iqtisodiy masalalarni hal etishga qaratilgan takliflar ko‘rib chiqildi.

Masala yuzasidan doimiy komissiya a’zolari tomonidan fikr-mulohazalar bildirilib, navbatdagi sessiyada ko‘rib chiqish uchun tegishli xulosa va tavsiyalar shakllantirildi.