3-BAND IJROSI: SPORT INFRASTRUKTURASI O‘RGANILDI
Xalq deputatlari Pastdarg‘om tumani Kengashi deputati faoliyatining eng muhim yo‘nalishlari bo‘yicha Tavsiyalarning 3-bandi ijrosini ta’minlash maqsadida deputat M. Altibayeva tomonidan Esaboy mahallasidagi 43-sonli umumta’lim maktabining sport zali holati o‘rganildi.
🔎 O‘rganish davomida sport zalining moddiy-texnik holati, mavjud sharoitlar hamda yoshlar va o‘quvchilarning sport bilan shug‘ullanishi uchun yaratilgan imkoniyatlar ko‘zdan kechirildi.
⚠️ O‘rganish jarayonida sport zalining ta’mirtalab holatda ekani, pol qoplamalarining chirigan va yaroqsiz holga kelgani aniqlandi.
🏫 Mazkur holat o‘quvchilar uchun xavfsiz va qulay sport muhitini yaratish, sport mashg‘ulotlarini sifatli tashkil etish nuqtayi nazaridan tegishli choralar ko‘rishni taqozo etadi.
📌 Aniqlangan kamchiliklar yuzasidan mas’ullarga tegishli tavsiyalar berilib, sport zalini ta’mirlash va zarur sharoitlarni yaxshilash masalasi deputatlik nazoratiga olindi.