Xalıq deputatları Bozataw rayonlıq Keńesindegi ÓzLiDeP deputatlıq toparınıń náwbettegi esabat tıńlaw májilisi bolıp ótti. Májiliste partiya deputatlıq toparınıń aǵzaları, deputatlar, Bozataw rayonı “Keleshek orayı” bólimi basshıları hám tiyisli qánigeleri qatnastı. 

Esitiw kún tártibine muwapıq: Bozataw rayonlıq “Keleshek orayı” bólimi tárepinen 2026-oqıw jılı yanvar- iyun aylarında islengen jumıslar boyınsha esabatı tıńlandı. 

ÓzLiDeP deputatlıq esitiw nátiyjelerin tallap, rayonlıq “Keleshek orayı” bólimi tárepinen dógereklerge 6-18 jaslı balalardı hár tárepleme kamal taptırıw hám bos waqıtların mazmunlı ótkeriw ushın keń imkaniyatlar jaratılǵan. Bul jerde oqıwshılarǵa joqarı bilim dárejesine iye pedagoglar tálim berip kelmekte. Búgingi kúnde ”Keleshek”
orayına jámi 420 oqıwshı qamtılǵan bolıp sonnan 51 oqıwshı kem támiyinlengen shańaraq perzentlerine jeńillikler berilgen hám “Keleshek” orayıda oqıwshıları tiykarınan 6 jóneliste 13 dógerekke qamtıp alınǵan. 

Májilis dawamında deputatlar tárepinen bildirgen usınıslar hám pikirler tiykarında jaslarǵa jaratılıp atırǵan imkaniyatlardı jáne de keńeytiw máseleleri sóz etildi. Májilis juwmaǵında Partiyanıń Bozataw rayonlıq Keńesindegi deputatlıq toparı usı máseleler boyınsha tiyisli shólkemler menen birgelikte turaqlı deputatlıq qadaǵalawdı ámelge asırıwı belgilendi.