Fuqarolar murojaatlari deputat e’tiborida

O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning ‘mahalla yettiligi’ bilan o‘zaro hamkorligini yanada kuchaytirish chora-tadbirlari to‘g‘risida”gi qarori ijrosi doirasida joylarda o‘rganish ishlari davom ettirilmoqda.

Mazkur jarayon doirasida Xalq deputatlari Yunusobod tuman Kengashi deputati Marina Murzametova tomonidan Ahilobod mahallasida fuqarolar bilan uchrashuv o‘tkazildi.

Uchrashuv davomida aholining kundalik hayoti, hududdagi mavjud ijtimoiy-maishiy masalalar, kommunal xizmatlar, obodonlashtirish hamda fuqarolarni qiynayotgan boshqa dolzarb murojaatlar tinglandi.

Bildirilgan masalalar deputat tomonidan o‘rganilib, ularni mas’ul tashkilotlar bilan hamkorlikda hal etish yuzasidan tegishli choralar belgilandi.

Bizni kuzatishda davom eting!