Сессияни туман Кенгаши раиси М.Туйчиева олиб борди. 

Унда туманни ижтимоий-иқтисодий ривожлантириш, жамоат хавфсизлигини таъминлаш, аҳоли бандлигини ошириш, мурожаатлар билан ишлаш самарадорлигини кучайтириш, маҳаллий бюджет ижроси ҳамда инфратузилмани яхшилашга қаратилган муҳим масалалар атрофлича муҳокама қилинди.

Сессия давомида Ўзбекистон Республикаси Президенти фармон ва қарорлари ижроси юзасидан мутасадди раҳбарларнинг ахборот ва ҳисоботлари эшитилиб, жумладан, фавқулодда вазиятларнинг олдини олиш, криминоген вазиятни барқарорлаштириш, жиноятчилик профилактикаси, жамоат хавфсизлигини таъминлаш, шунингдек, аҳоли бандлигини таъминлаш ва камбағалликни қисқартириш бўйича амалга оширилаётган ишлар таҳлил қилинди.

Шунингдек, жисмоний ва юридик шахслар мурожаатлари билан ишлаш ҳолати, маҳаллий бюджет параметрларига киритилган ўзгаришлар, қўшимча манба маблағларини самарали йўналтириш, мактабгача таълим соҳасида давлат-хусусий шерикликни ривожлантириш, “Инфратузилма ва ижтимоий барқарорлик” жамғармаси маблағларидан мақсадли фойдаланиш юзасидан тақдимот ва ахборотлар тингланди.

Муҳокамалар якунлари бўйича тегишли қарорлар қабул қилиниб, масъул ташкилот ва идораларга аниқ вазифа ва топшириқлар белгиланди.