O‘rganish jarayonida maktab oshxonalarining gigiyena va sanitariya holati, oziq-ovqat mahsulotlarining sifati va yetarliligi, shuningdek, oshpazlar tomonidan taom tayyorlash jarayoniga rioya qilinayotgan me’yorlar atroflicha tahlil qilindi. Deputat maktab oshxonalarida sog‘lom ovqatlanish talablariga amal qilinishini va o‘quvchilarga sifatli taomlar yetkazilishini tekshirdi.

Aniqlanishicha, oshxonalar umumiy holati qoniqarli bo‘lib, oziq-ovqat mahsulotlari yetarli miqdorda ta’minlangan, ammo ba’zi joylarda jihozlar eskirganligi va texnik xizmat ko‘rsatish zarurligi aniqlangan. Shu munosabat bilan, oshxonalarni zamonaviy jihozlar bilan ta’minlash, sanitariya qoidalarini kuchaytirish va oshpazlarning malakasini oshirish bo‘yicha mutasaddilarga tavsiyalar berildi.