O‘rganish jarayonida sport zalining moddiy-texnik bazasi yetarli darajada emasligi, mavjud inventarlarning esa eskirgani yoki son jihatdan kamligi aniqlandi. Bu holat o‘quvchilarning jismoniy tarbiya mashg‘ulotlarini sifatli tashkil etish hamda sport bilan muntazam shug‘ullanishlariga salbiy ta’sir ko‘rsatishi qayd etildi.

Mazkur muammoni bartaraf etish maqsadida maktab sport zaliga zarur bo‘lgan sport inventarlari ro‘yxati shakllantirildi. Shuningdek, ushbu masalani ijobiy hal etish uchun tegishli tashkilotlar bilan hamkorlikda amaliy choralar ko‘rish zarurligi belgilandi.

Yakuniy xulosa sifatida, mas’ul tashkilot rahbarlariga deputat so‘rovi yuborish, mavjud kamchiliklarni qisqa muddatlarda bartaraf etish hamda maktabni zarur sport jihozlari bilan ta’minlash yuzasidan aniq kelishuvga erishildi.