Bugun Xalq deputatlari Karmana tumani Kengashining navbatdagi yigirma birinchi sessiyasi bo‘lib o‘tdi. Sessiyaga Kengash raisi Ostonov Zoxidjon Tolipovich raislik qildi. Unda tuman deputatlari, korxona va tashkilot rahbarlari hamda mutasaddi idoralar vakillari ishtirok etdilar.

  Kun tartibida tumanning ijtimoiy-iqtisodiy hayotiga oid bir qator dolzarb masalalar muhokama qilindi. Jumladan: Karmana tuman ekologiya va atrof muhitni muhofaza qilish organi rahbarining atrof muhitni muhofaza qilishning holati to‘g‘risida Karmana tumani Ekologiya va atrof-muhitni muhofaza qilish bo‘limi boshlig‘i A.Ibragimov hisobot berdi. Tumanda sanitar-epidemiologik Osoyishtalik va jamoat salomatligi bo‘limi tomonidan olib borilgan ishlar to‘g‘risida tuman sanitar-epidemiologik Osoyishtalik va jamoat salomatligi bo‘limi boshlig‘i hisobot berdi.Karmana tumani davlat kadastr bo‘limida korrupsiyani oldini olish va unga qarshi kurashish borasida amalga oshirilayotgan ishlarni o‘rganish va natijasini muhokama qilish to‘g‘risida Xalq deputatlari tuman Kengashining Korrupsiyaga qarshi kurashish va xavfsizlik masalalari bo‘yicha komissiya raisi Z.Tog‘ayev axborot berdiTumandagi yoshlarni ishga joylashtirish ularning bandligini ta’minlash va otaliqga olingan og`ir toifadagi yoshlar bilan ishlash borasida amalga oshirilayotgan ishlar to‘g‘risida Karmana tumani Yoshlar ishlar bo‘limi rahbari B.Bekov hisobot berdi.Karmana tumanida vegetatsiya davri uchun yakuniy iste’molchilar kesimida ekinlarni sug‘orish uchun suv olish limitlarini tasdiqlash to‘g‘risida Karmana tumani “Suv yetkazib berish xizmati” Davlat muassasasi direktori F.Hakimov hisobot taklifini berdi.Sessiya yakunida kun tartibidagi masalalar atroflicha muhokama qilinib, tegishli qarorlar qabul qilindi.