Xo‘jayli tumanida axborot-kutubxona tizimi faoliyatini yanada takomillashtirish, aholiga ko‘rsatilayotgan axborot xizmatlari sifatini oshirish maqsadida Xalq deputatlari Xo‘jayli tuman Kengashiga O‘zLiDePdan saylangan deputat A.Tadjimuratov tuman Axborot-kutubxona markazi faoliyatini o‘rgandi.

O‘rganish jarayonida markazning moddiy-texnik bazasi, kitob fondining holati, o‘quvchilarga yaratilgan sharoitlar, elektron resurslardan foydalanish imkoniyatlari hamda aholi, ayniqsa, yoshlar o‘rtasida kitobxonlik madaniyatini oshirish borasida amalga oshirilayotgan ishlar atroflicha o‘rganildi.

Deputatga bugungi kunda bu maskanda 100 mingdan ortiq kitob fondi bo‘lib, har yili bu fondni ko‘paytirib borish, o‘quvchilarni elektron kitoblar bilan ta’minlash bo‘yicha bir qator ishlar amalga oshirilayotganligi bo‘yicha ma’lumotlar berildi.