Xalq deputatlari Guliston shahar Kengashi deputati Nigoroy Rustamova tomonidan Taraqqiyot mahallasida “yettilik” a’zolari ishtirokida uchrashuv o‘tkazildi.

Mazkur uchrashuvda hududda jinoyatchilik holati, xususan mahallanining “qizil toifa”ga kirib qolish sabablari atroflicha muhokama qilindi. Mutasaddilar tomonidan mavjud muammolar, ularning kelib chiqish omillari hamda jinoyatchilikka qarshi kurashish borasida olib borilayotgan ishlar tahlil qilindi.

Suhbat davomida asosiy e’tibor huquqbuzarliklarning oldini olish, yoshlar bandligini ta’minlash, ijtimoiy muammolarni hal etish orqali hududda tinchlik va barqarorlikni mustahkamlash masalalariga qaratildi.

✅ Ushbu uchrashuvdan ko‘zlangan asosiy maqsad — hududda jinoyatchilikni kamaytirish, aholi tinchligi va osoyishtaligini ta’minlash hamda fuqarolarning turmush farovonligini oshirishdan iborat.

🔹 Yakunda deputat tomonidan mazkur yo‘nalishda amalga oshirilayotgan ishlar ustidan doimiy nazorat olib borilishi, belgilangan vazifalar ijrosi yuzasidan muntazam monitoring o‘tkazilishi ta’kidlandi.