Mahalliy Kengash deputati 18-Hazortut saylov okrugi M.Jumayeva Hazortut mahalla fuqarolar yig’inining ijtimoiy xodimi H.Raxmatovaning ish faoliyati o’rganish jarayonida aholining ijtimoiy ehtiyojmand toifalariga ko’rsatilayotgan xizmatlarning sifati, ularni tashkil etish tartibi va amaliy ijrosi atroflicha ko’zdan kechirildi. Xususan, kam ta’minlangan oilalarga ijtimoiy nafaqalar hamda moddiy yordam tayinlash va to’lash mexanizmlari, hujjatlarni rasmiylashtirish jarayonlari va murojaatlarni ko’rib chiqish muddatlariga alohida e’tibor qaratildi.

Shuningdek, ijtimoiy xodim tomonidan aholi bilan ishlash usullari, ehtiyojmand oilalarning ro’yxatini shakllantirish, ularning muammolarini aniqlash va manzilli yordam ko’rsatish bo’yicha olib borilayotgan ishlar tahlil qilindi. Deputat ijtimoiy xodim bilan suhbat olib borib, mavjud muammolar, ish jarayonida uchrayotgan qiyinchiliklar hamda xizmat samaradorligini oshirish bo’yicha taklif va mulohazalarni tingladi.

O’rganish natijasida aholining ijtimoiy ehtiyojmand qatlamlarini qo’llab-quvvatlash, kam ta’minlangan oilalarga nafaqa va moddiy yordamlarni adolatli hamda shaffof tarzda tayinlash va o’z vaqtida to’lab borishni yanada takomillashtirish yuzasidan tegishli tavsiyalar berildi. Mazkur ishlar aholini ijtimoiy himoya qilish tizimini mustahkamlash va ko’rsatilayotgan xizmatlar sifatini oshirishga qaratilgani bilan ahamiyatli hisoblanadi.