Xalq deputatlari Bekobod tumani Kengashiga 21-Zarafshon saylov okrugidan saylangan deputat Mo‘minova Yoqutxon Ergashevna Farxod mahallasi saylovchilari oldida joriy yilning 2-choragi davomida amalga oshirilgan ishlari yuzasidan axborot berdi.

Uchrashuvda mahalla yettiligining 6 oy mobaynida barcha yo‘nalishlardagi obodonlashtirish, bunyodkorlik ishlari, aholi bandligini ta‘minlash, tadbirkorlikni rivojlantirish masalalari, ehtiyojmand oilalarga ko‘rsatilayotgan ijtimoiy yordamlar yuzasidan hisobotlari eshitildi. Uchrashuv so‘ngida mahalla faollari bilan kelgusida amalga oshirilishi lozim bo‘lgan reja va vazifalar belgilab olindi. Xududlarni ijtimoiy-iqtisodiy rivojlantirish, aholi turmush darajasini yaxshilash borasidagi mahalla yettiligi va deputat hamkorlikdagi say harakatlari mahalla obodligi, yurt tinchligi uchun xizmat qiladi. Zero, ular aholi bilan davlat o‘rtasidagi ishonchli ko‘prik vazifasini mas’uliyat bilan o‘tashlari kerak.